ఈ పుట అచ్చుదిద్దబడ్డది
రేకు: 0217-5 ముఖారి సంపుటం: 08-101
పల్లవి:
వీఁపుగానరాఁగా దాఁగే విధమేఁటికే
తోపునకుడిందునేది దొరసానివిపుడు
చ. 1:
నీరాక గోరుకొని నిలుచున్నాఁ డితఁడు
యీరీతినే వద్దనుంటే నేల లోఁగేవే
పేరే నా వరుస గాక పెనఁగేటినారతులలో
దూరల్లా నీదేకాదా దొరసానివిపుడు
చ. 2:
మాటలు నీవాడేవంటా మలసు కొన్నాఁడతఁడు
యేఁటికే నన్నుఁజూచి యేల లోఁగేవే
కూటమే నాదిగాక గురుతులు సోకించేటి
తూఁటరివి నీవుగావా దొరసానివిపుడు
చ. 3:
సరినీవు చూచేవంటా సన్నలు సేసీ నతఁడు
యిరవై నేఁ దిట్టేనంటా నేల లోఁగేవే
అరిది శ్రీవేంకటేశుఁ డలమేలుమంగ నేను
తొరలఁ గూడితిమిదే దొరసానివిపుడు
