ఈ పుట అచ్చుదిద్దబడ్డది
రేకు: 0217-4 శంకరాభరణం సంపుటం: 08-100
పల్లవి:
నేరుచుకోవేనీవు నిక్కము దంటతనము
ఆరితేరితే నిన్నునటు రట్టుసేయఁడా
చ. 1:
చెక్కుచేతితోడనింకా సిగ్గుపడేవు పతితో
మక్కువనేకతవేళ మరఁగేఁటికే
పక్కనఁ గన్నెవుగాఁగా పాలార్చీఁ గాకతఁడు
వెక్కసపు బ్రోడవైతే వెల్లవిరి సేయఁగా
చ. 2:
నాలిసేసి పానుపుపై నవ్వులు నవ్వేవు ఈనవు
కోలుముందైనమీఁదఁ గొంకనేఁటికే
పోలించి ముగ్దవుగాఁగా పొదిగీఁగాకాతఁడు
అలరి గద్దరివైతే నాయాలు సోఁకించఁడా
చ. 3:
పొంచినట్టి రతివేళ బొమ్మల జంకించేవు
మంచమెక్కి వావులింకా మానవేఁటికే
అంచెనురమెక్కించెఁగా కలమేలుమంగవని
నించి శ్రీవేంకటేశుఁడు నీకంటె మించఁడా
