పుట:కాశీఖండము.pdf/121

108

శ్రీకాశీఖండము

⁠

గంగాసాగరసంగమంబు కాంచి త్ర్యంబకంబు సప్తగోదావరంబు కాలంజరంబు ప్రభాసంబు బదరికాశ్రమంబు మహాలయం బోంకారంబు పురుషోత్తమంబు గోకర్ణంబు భృగుతీర్థం బంబుపుష్కరంబు శ్రీపర్వతంబు నా నివి మోక్షకారణంబు లైనమహాతీర్థంబులు.

⁠ 68

సీ.⁠

శంభుప్రసాదంబు సమకూఱకుండినఁ         దీర్థయాత్రకు సమ్మతింప దాత్మ దీర్థంబు లాడంగఁ దివుట లేకుండినఁ         బ్రతిబంధదురితంబు వాసిపోదు ప్రతిబంధదురితంబు వాసిపోకుండినఁ         గాలి కేగెడునట్టికడఁక లేదు కాశీపురక్షేత్రవాసమ్ము లేక యే         విజ్ఞానదీపంబు విస్తరిలదు

⁠

తే.⁠

జ్ఞానమునఁ గాని మోక్షంబు సంభవింప దతివ! జ్ఞానం బనంగ వేదాంతవాక్య సంభవం బైన దదియ పోజ్ఞాన మండ్రు తరుణి విజ్ఞాన మీసూక్ష్మ మెఱిఁగికొనుము.

⁠ 69

క.⁠

ధారాతీర్థం బనఁగాఁ దారాధిపవదన! ఖడ్గధారాంచల మ ద్దారాంచలమునఁ ద్రెవ్విన వీరాగ్రేసరుఁడు ముక్తివిభవముఁ గాంచున్.

⁠ 70

తే.⁠

తీర్థములు మానసములు ముక్తిప్రదములు తరుణి! యివి మేలు బాహ్యతీర్థములకంటె

⁠