120
శ్రీ రా మా య ణ ము
సేయక మానునో - సేయునో పూని?
సామదానములాప్త - జనులందు నహిత
భూమీశులెడ భేద - మును దండనీతి
నద నెఱింగి యొనర్చు - నాయాప్తజనుల
పదవులు తాఁబరి - పాలించునొక్కొ?
దేవమానుషవిధుల్ - తెలిసి వర్తిలునె?
నావార్తలుగఁ బల్కు - నా యేకతమున? 2840
-:శ్రీరాముఁడు తన్నెప్పుడు చెఱనుండి విడిపించునో యని సందేహముతో సీత యడుగుట:-
ఎడవాసినప్పుడె - యెంతలేదనుచు
విడువక నాచెఱ - విడిపించు నొక్కొ?
ఎన్నడు నొకచింత - యెఱుఁగని భర్త
యిన్ని దుఃఖములచే - నిందుచున్నాఁడొ?
కౌసల్యయు సుమిత్ర - కైకేయి లెస్స
లే? సోదరులు సుఖు - లే? వారివార్త
వినఁబడునే? మహీ - విభుఁడైన భరతుఁ
డనుచరావళిఁ బంచి - యన్నసేమంబుఁ
దావిచారించునే? - తరణినందనుఁడు
రావణుపై నెత్తి - రాఁగలఁడొక్కొ? 2850
వివిధశస్త్రాస్త్రసం - వేదియైనట్టి
రవివంశమణి సుమి - త్రా కుమారకుఁడు
నానిమిత్తముగ దా - నవుల వధింపఁ
బూనుక యున్నాఁడె - పోవనిమ్మనక?
రాము బాణములచే - రణభూమిలోన
