52
చాటుపద్యరత్నాకరము
ఈపద్యముపై సోముఁడు వ్రాసిన పద్యములు.
ఉ. త్యాగము విక్రమంబు సుకృతంబు నిగర్వము నీతిబంధుసం
యోగము పెత్తనంబు వినియోగ మెఱింగి నటింప నేర్చు ని
య్యోగులు రాజయోగులు కుయుక్తుల మాయల విఱ్ఱవీఁగు ని
య్యోగు లనాధయోగు లవయోగులు నోగులు జోగు లెన్నగన్.
క. ఇలలో వైదికవిద్వ
త్తిలకంబుల కేమి దిక్కుఁ దెలిపితి వమ్మా
జిలిబిలిపలకులవెలఁదీ!
పలుగాకినకారగుళ్ళపాలైతిగదే.
(సూరకవిధాటి కాఁగలేక సోముఁ డీపద్యముల వ్రాసినట్లు తోఁచుచున్నది.)
ఆ. దేవునాన మున్ను దేశాని కొకకవి
యిప్పుడూర నూర నింటనింట
నేగు రార్గు రేడ్గు రెనమండ్రు తొమ్మండ్రు
పదుగురేసి కవులు పద్మనాభ!
ఈపద్యమును సూరనయే రచించెనందురు. కుత్సితాక్షేపకులంగూర్చి యీకవి రచించిన సీసమాలిక—
సీ. తట్టెఁడంతవిభూతిఁ బెట్టి తాతలనాఁటి
కుండలా ల్వీనులఁ గునిసియాడ
మైలఁ గ్రక్కెడు సేలుమడతలు నరసిన
బోడిబుఱ్ఱలమీదఁ బొసఁగఁజుట్టి
