128
చాటుపద్యరత్నాకరము
సీ. దేవతారాజులు స్థిరశౌర్యమహిమచే
భోగిరాజులు పటుబుద్ధిచేత
గిరిరాజవర్యులు నెఱిధైర్యగరిమచేఁ
బక్షిరాజులు బాహుబలముచేతఁ
గలశాబ్ధిరాజులు గాంభీర్యగుణముచే
కలువలరాజులు కాంతిచేత
రాజరాజులు తనరారు సంపదలచే
వలరాజు లిలరూపవైభవమున
ధర్మరాజులు నీతిచేఁ దలచిచూడ
సామి నీరాజచంద్రులు జగతిమీఁద
భళిర తిరుమలతొండమాన్ ప్రభుకుమార!
విజయరఘునాథ! తొండమాన్ విభువజీర.
సీ. గుభగుభాలని పారు గుంటుకోవి ఫిరంగి
జవురు జంగీలకు సరకుఁ గొనక
సరసర బిరబిర జరజరమని వచ్చు
బాణాలరవళిచే బబ్బరిలక
ఫెళఫెళ ఢమిఢమీ పెటపెట ‘రొ య్యను’
బలు తుపాకీగుండ్ల కళుకుఁ గొనక
ధణధణాం ధణధణాం ధాణంధణత్కార
భేరిభాంకృతులకు బెండగిలక
యెంతలెమ్మని తేర్లపై నెక్కితూరి
చుట్టుముట్టుగఁ బాళెముల్ గొట్టితౌర
భళిర తిరుమలతొండమాన్ ప్రభుకుమార!
విజయరఘునాథ! తొండమాన్ విభువజీర.
