తృతీయతరంగము
123
అడుగంటఁ దెగియుండ నది యెఱుంగక పోర
రమ్మను సన్నచే వ్రాలు తలలు
బిరుదులు పలుకంగ దొరఁగియు మధ్యమ
వైఖరిగాఁ బల్క పడిన తలలు
కదియు బొమముళ్ళ నెత్తురుఁ గ్రక్కు తలలు
నూపి రెగఁదీయు ముక్కులఁ జూపి రిపుల
కుత్తుకలఁ గోయు నీ యసి కోటిరాయ
విజయరఘునాథ! జయభార్గవీసనాథ!
సీ. ఆధోరణుని వెన్ను నంటియుండెడి పింజ
దంతితుండపుచుట్లు దాఁక నలుగు
భటునకుఁ గుడిజబ్బఁ బడి కానఁబడు పింజ
డాకేలకేడెంబుఁ దాక నలుగు
రాహుత్తు నెత్తిపై రంజిల్లఁ దగు పింజ
గుఱ్ఱము వలచెవి గొన్న నలుగు
రధికు లస్తకమునఁ గ్రాలుచుండెడు పింజ
నాభిదేశంబున నాట నలుగుఁ
గాన జడిపట్టుచందాన కలనులోన
శరము లగలించుధాటి దేవరకు సాటి
గాన రిపుకోటి నేను జగానఁ గోటిఁ
గోటివంశసనాథ! సంగుప్తబోధ!
విజయరఘునాథ! జయభార్గవీసనాథ!
సీ. చికిలిబంగరుపూఁత చిల్లోడుగేడెంబు
చిప్పలంచును చనుల్ జెనక వెఱచి
