116
చాటుపద్యరత్నాకరము
సీ. ప్రతిలేని మైసూరిపతి కేతనముమీఁద
నెలకొన్నసింగంబు నీదుకీర్తి
పాచ్ఛాహుశిరముపై భాసిల్లుచున్నట్టి
నిండుచంద్రజ్యోతి నీదుకీర్తి
గడిచోడభూపతి కంఠదేశంబున
నెలకొన్నహారంబు నీదుకీర్తి
కేరళభూపాలు కెలఁకులఁ జేవల
నెగడు వింజామర నీదుకీర్తి
పరగ సామంతనృపతుల పాగలందు
నిలుచు మగరాతిజిగితురాల్ నీదుకీర్తి
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.
సీ. భానుని నాకాశపథమునఁ బాలించి
బడబానలంబును జడధిఁ జొనిపి
కాంచనాద్రిని విల్లు గావించి యీడ్పించి
వేలాయుధుని ముందువెనుక జేసి
పద్మరాగంబులఁ బట్టి సానలఁ బెట్టి
యరుణునిఁ గుంటిగా నడరఁ జేసి
విష్ణుచక్రంబును వేయంచు లొనరించి
వారిజోద్భవు విప్రవరుని జేసి
పరగె నీదు ప్రతాపాగ్ని పద్మజాండ
భాండమెల్లను నిండి యుద్దండలీల
భళిర! తిరుతొండమాన్ ప్రభుకుమార!
విజయరఘునాథ! తొండమాన్ విభువజీర.