పుట:Chandrika-Parinayamu.pdf/220

తే. తమి నినుఁడు చేర వరకలాపము లనంగ
సీమ వారుణి దాల్ప రాజిలు తదీయ
విమలమణికావిభాకలాపము లనంగ
నహహ నవసాంధ్యరాగమ్ము లపుడు పొలిచె. 95

చ. ఘనకమలోదయం బెడయఁ గాలగతి న్వన మందుచు న్రథాం
గ నలగవాధినేత సనఁగాఁ గడుఁ దత్సతి యాత్మఁ జింత పొం
గ నలఁగ వారి కన్నుఁగవఁ గ్రమ్మఁ దనూస్థలి తాపభోగిచేఁ
గనలఁగ వాడుచు న్నెమకెఁ గాంతునిఁ గాననమండలంబునన్. 96

ఉ. మక్కువ సారసాకరసమాజము చేరుచుఁ బట్టఁబూనుఁ బో
జక్కవనాతి మానితనిజప్రతిబింబము గాంచి భర్తయం
చక్కట పిల్చుఁబో పతి వనావళి కుంజచయంబు దూఱుచున్
జక్కవనాతి మానితతసమ్మదసంపద లెల్ల నత్తఱిన్. 97

సీ. చక్రభయాపాదిసమయఘనాఘనా
లిసుతనూవ్యక్తమాలిన్య మనఁగ,
పరినటచ్ఛివకటీభ్రష్టఘనాఘనా
త్మకదానవాజినాంశుక మనంగ,
ద్యుమణిరథాంగహత్యుత్థఘనఘనా
శ్మమయాస్తగిరినితంబరజ మనఁగ,
నిశ్శేషబంధకీనికరఘనాఘనా
శ రతీశసృష్టశాంబరిక యనఁగఁ,

తే. బ్రకటదివసాత్యయాఖ్యనభస్యకాల
కలితసాంద్రఘనాఘనకళిక యనఁగ,
నౌర యతినీలదీప్తిజాలానుపూర్తి
నమరె నవ్వేళ నిర్వేలతిమిరరాశి. 98