పుట:Chandrika-Parinayamu.pdf/214

ఉ. తమ్ములఁ జేరి రోదరశతమ్ములఁ గైకొని తావి భృంగపో
తమ్ముల కుంచి యౌవతయుతమ్ముల మత్తమరాళరాజజా
తమ్ముల మించి చిత్రచరితమ్ముల నీఁదిరి కొమ్మ లెల్లఁ జి
త్తమ్ముల వారిదేవతలు తమ్ము లలిన్ వినుతింప నయ్యెడన్. 69

మ. తరుణాంభోరుహపీఠిఁ బొల్చి సుమనోదంతుల్ నవాంభఃపరం
పర పైపైఁ గడుఁ జల్ల సారసము ప్రేమన్ గేలునన్ బట్టి క
ర్బురసంహారిసుగాత్రికాతిసమతాస్ఫూర్తిన్ గర మ్మొక్క క
ర్బురసంహారిసుగాత్రికాతిలక మింపుల్ గూర్చెఁ ద న్గన్గొనన్. 70

చ. అలరుమృణాళవల్లరి స్వయంవరసూనసరాభ వ్రేలఁగా
నలనికటంబుఁ జేరఁగ జనన్ రతిఁ గైకొనె నొక్క పుష్పకో
మల దమయంతికావనితమాడ్కి మరాళనృపుల్ స్వచిత్తసీ
మలఁ దమయంతికావనిఁ గ్రమంబున నొందిన సంభ్రమింపఁగాన్. 71

సీ. రతిఁ బట్టుకొనఁ జేరె రాజీవరామాని
కరము సద్గుణజాలకలిత యొకతె.
రహి వ్రాల్చె నవదాతరాజీవరాజిత
రజము పావనవిహారయుత యొకతె,
యడలించె వడిఁ బుష్కరాజీవరాజహం
సముల శంపాలోకసక్త యొకతె,
ప్రౌఢి నొంచె రథాంగరాజీవరామోద
పటిమ సత్కాంతిసంభరిత యొకతె,

తే. వనజగృహవీథి నిట్టు లావర్తనాభి
కాజనంబులు సముచితగతి నెసంగె
వారిదేవత లపుడు తద్వర్తనాభి
దర్శనస్ఫూర్తి నవ్యహార్దంబుఁ గాంచ. 72