పుట:Chandrika-Parinayamu.pdf/162

జెలికుచంబులఁ బోల నొళవున సరిఁ జూచి
కనకకోలంబముల్ గట్టువడియె,
నెలఁతచందోయితోఁ దులఁదూఁగ రతిఁ బూని
భృంగారుతతి వేగ యెత్తువడియెఁ,

తే. దఱియు గోత్రమ్ములకును గోత్రమ్ము లరుల
కరులు కాయమ్ములకును గాయములు భద్ర
ఘటకములకు సదాభద్రఘటకములు బ
ళిరె వధూకులమణిపయోధరము లెన్న. 15

మ. భువిఁ గశ్చిత్పదపూర్వకంబుగ సుధీపుంజంబు తన్బల్క నా
త్మ వెతం జేకొని దేవదత్తము మిళిందద్వేణికంఠాత్మ సొం
పు వెలుంగం జనియించి మించె బళి సత్పూగాంచితంబై ప్రసి
ద్ధవరాభిఖ్య నెసంగి భూరిగుణరత్నప్రాప్తి సంధించుటన్. 16

చ. వనితభుజాప్రసూనసరవల్గువిలాసముఁ జెందఁగోర్కిఁ గై
కొని వనజాకరాళి బిసకోటి గళద్వయసాంబుసీమ ని
ల్చి నయనపద్మము ల్దెఱచి సేయుఁ దరణ్యవలోకనం బహం
బున నిశ వాని మోడ్చి పెనుపుం దదుదంచితచింతనాగతిన్. 17

సీ. ఎంత సద్గుణలబ్ధి నెనసి మించిన నైన
మణులరంధ్రములె నెమకు ననంగ,
నెంతవారికిఁ బుట్టి యెమ్మె గాంచిన నైన
సుధపెంపుఁ బలుచగాఁ జూచు ననఁగ,
నెంత బల్మొనఁ గూడి యింపుఁ జెందిన నైనఁ
జిగురాకు నగవీథిఁ జేర్చు ననఁగ,
నెంత రసోదయం బెచ్చఁ బొల్చిన నైనఁ
జెఱకు నిష్ఫలముగాఁ జేయు ననఁగ,