పుట:2015.390519.Shashamka-Vijayamu.pdf/29

ద్వితీయాశ్వాసము

29

ఉ.⁠

నిచ్చల మైన కెంపులును నీలమణు ల్వరమౌక్తికంబులున్ బచ్చలు పుష్యరాగములు వజ్రములుం బగడాలు తూములన్ హెచ్చుగఁ గొల్తు రెప్పుడు ధనేశునిధు ల్దమయప్పువడ్డికి న్వచ్చిననొచ్చె మెం తనుచు నవ్వుదు రప్పురిలోనికోమటుల్.

⁠ 18

ఉ.⁠

చారుచిరత్నరత్నమయసౌధముల న్బురివైశ్యకన్యక ల్గీరనగింజ లాడుతఱిఁ గ్రిందను జిందినదివ్యరత్నముల్ పౌరులు ద్రొక్కుచు న్జనఁగఁ బాదుకొన న్ధరణీపురంధ్రికిన్ వారక రత్నగర్భ యను నామముఁ బెట్టిరి సత్కవీశ్వరుల్.

⁠ 19

ఉ.⁠

ఏ రొక టబ్బె రామునకు నెడు పొసంగవు చంద్రమఃకళా ధారికి నొక్కయె ద్దిది వితావిత సీరము లేమిఁ గావునన్ సీరికి నొంటిపోగుకు విశేషము లే శివుఁ డాదిభిక్షువం చేరులు నెడ్లు గల్గి సుసమృద్ధిగఁ బాదజు లుందు రప్పురిన్.

⁠ 20

చ.⁠

భుజములు తమ్మితూండ్లు కనుబొమ్మలు సింగిణివిండ్లు చన్ను ల క్కజపుఁబసిండిగిండ్లు తెలిగన్నులు శ్రీసతియిండ్లు వాతెర ల్నిజముగ దొండపండ్లు రమణీయకటిద్వయి పైడిబండ్లు కా యజువిరికల్వచెండ్లు పురమందలి కొవ్విరిబోండ్లు చూడఁగన్.

⁠ 21

సీ.⁠

చంచలత్వము తళ్కు మించుకన్నుల నుంచి         మించుబోం డ్లైనక్రొమ్మించు లనఁగ నిమ్ముగాఁ గాఠిన్య మెమ్మెచన్నులఁ దాల్చి         కొమ్మ లైనకడానిబొమ్మ లనఁగఁ గుటిలత్వ మలకల ఘటియించి వనితలై         నటియించుశశికళాపటల మనఁగ ధవళత నవ్వులం దవతరింపఁగఁ జేసి         యువతు లౌతారకానివహ మనఁగ

⁠

గీ.⁠

నలరుదురు లోకసంహననాభిలాషి మత్స్యలాంఛనకృతజపమంత్రసిద్ధు లఖిలయువనేత్రభాగధేయంబు లచటి చక్కనిమిటార్లు మరుచేతిచిక్కటార్లు.

⁠ 22

సీ.⁠

కే లెత్తి సురదంతి నాలంబునకు నిల్చు         పగిదిఁ దుండంబులు పైకి జాఁచుఁ

⁠