పుట:2015.390519.Shashamka-Vijayamu.pdf/117

పంచమాశ్వాసము

117

⁠

ఘనవిభాజితవిరోచనుఁడు విరోచనుఁ         డాహవదళితాభియాతి హేతి

⁠

గీ.⁠

యనెడుదైత్యేంద్రు లెనమండ్రు నాజి తామె యష్టదిక్పాలకుల నోర్తు మనుచు సింహ శరభశార్దూలవృకఘోణిఖరమహోష్ట్ర తురగముల నెక్కి యుద్ధసన్నద్ధు లగుచు.

⁠ 16

చ.⁠

వెడలఁ దదీయసైన్యములు వెల్వడె నుగ్రతఁ గాలమేఘము ల్కడఁగినలీల నొక్కమొగి గాటపుఁగాటుకకొండతండము ల్విడివడునట్టు లబ్ధు లతివేలములై యరుదెంచునట్లుగా నడిదములున్ గద ల్గుదియ లమ్ములు విండ్లును బూని యుగ్రతన్.

⁠ 17

సీ.⁠

మదచండవేదండమండలు ల్గొండలు         ఘోటకచ్ఛట లూర్మిఝాటకములు దరదము లైయొప్పునరదముల్ దీవులు         పటవాళ్ళు కడిమి గన్పడు మొసళ్ళు కరవాలచయము భీకరవాలమీనముల్         చక్రసంహతి తోయచక్రవితతి చంద్రార్ధచంద్రాంకచర్మము ల్కూర్మము         లాయుధద్యుతిజాల మౌర్వకీల

⁠

గీ.⁠

లగుచుఁ గనుపట్టు దైత్యసేనార్ణవంబు భూరిచంద్రోదయంబునఁ బొంగి పొరలి కెరలి శరలీల వరలంగఁ దరలి వచ్చు నమరవాహినితో ముదం బమరఁ గవిసె.

⁠ 18

ఉ.⁠

ఆపగిదిన్ ఘటించి యమరాసురసైన్యము లంత నెంతయున్ గోపము లగ్గలింప సెలగో ల్జగడంబునఁ జేరి చేరి తోఁ దోపుల మీఱి మేటిరవుతుల్ తురగంబుల మీటి పిల్వ చె య్యాపక పూర్వపశ్చిమమహాంబునిధు ల్వలెఁ దారసిల్లినన్.

⁠ 19

క.⁠

సుభటుఁడు సుభటుఁడు హరి హరి యిభ మిభమున్ రథము రథము నెదిరించినయా రభస మిది యేమి చెప్పన్ నభ మగిలెన్ బుడమి గ్రుంగె నగములు పగిలెన్.

⁠ 20