పుట:2015.386124.adhiqs-eipa-shatakamulu.pdf/161

⁠

పొగచుట్టలం బీల్చి బోగంపు చానల                యిండ్లు కావలియుండి యెఱుక చెప్పి పశువుల గాసి తెప్పలు చేసి ముండల                దార్చి లంజలకుఁ బాదంబు లొత్తి పాట్లుఁబడి మీఁద దొరయైనవాఁడు ధర్మ నీతి మార్గంబు నడుపగా నేరగలడె భూరిమయవాస! కోలంకపురనివాస మదనగోపాల రాధికాహృదయలోల!

⁠ 68

⁠

ప్రజలనందఱ బాధపఱచుటకై బుట్టి                యాచకాళులఁ దిట్టి యవలగొట్టి సరస మహా కవీశ్వరుల కెగ్గులు గొట్టి                కొంటెల నలుగుర గూడగట్టి పూర్వ ప్రతిష్ఠలు భూమిలోనికి మెట్టి                పండితోత్తముల రాకుండఁబట్టి బీదల మనవి దెల్పిన మార్మొగమువెట్టి                ప్రబల సంపతి గర్వమున దొట్టి నట్టి క్రూర నృపాలుఁడు గట్టిదనము దిట్టముగ భవ్యకీర్తి చేపట్ట గలఁడె భూరిమయవాస! కోలంకపురనివాస మదనగోపాల రాధికాహృదయలోల!

⁠ 69

⁠

పలుగు గయ్యాళిదెబ్బల గండు పలుగాడి                మూలుగుబోతు బల్ మాయ లేడి పిసినిగొట్టు పిసాళి పెంకె బొంకుల పుట్ట                చెడుగు నిక్కులయిక్క చెనఁటిమంకు టకుబాజు కల్లరి టాటోటు గడుమోట                బందెల పుట్టిల్లు నందగత్తె ఱంకుల రాట్టంబు రవ్వలమారి తం                టాకోరు రంతులరావు ముచ్చు

⁠