పుట:2015.373276.Rangaraya-Charitramu.pdf/93

92

రంగారాయ చరిత్రము

తే.⁠

ఏడుమూఁడుతరంబుల నిందెయుండి యాపదలు వాపికొనుచు భాగ్యానుభవము గొన్న వారముగాని యీకోట వదలి పోవుట యెఱుంగ మకట యీపూటదనుక.

⁠ 217

శా.⁠

మా కత్యంతవిరోధిరా జతని సన్మానించి చేపట్టి మా రాకున్నట్టి దినౌబతు ల్సలుపుట ల్ప్రాధాన్యము ల్గాగ న స్తోకప్రౌఢిని నీరుకాకినెపము ల్జొడించి పల్మా ఱయో హాకీము ల్దమ రిట్లు పల్కుటకు నర్హంబే విమర్శింపకన్.

⁠ 218

శా.⁠

లక్షద్వాదశశుభ్రదానకలితోల్లాసంబున న్మీమనం బక్షీణప్రభచేఁ జెలంగ భవదీయాంచత్కృపాపాంగస ద్వీక్షావైభవ మంది మద్విమతపృథ్వీజాని మాకోట నేఁ డక్షుద్రోద్ధతిఁ గైకొనం దలఁచెఁ గాదా భూరివైరంబునన్.

⁠ 219

ఆ.⁠

మమ్ము గెలిచి కాని మాకోటఁ జేకొన నేరఁ డెంతయేని వీరుఁడైన శూరధర్మమునకుఁ జొప్పడు నగురీతి బారుదీర్చి నడచి పోరు టెందు.

⁠ 220

చ.⁠

నలువదివేలకాల్బలమున న్బలవత్తరుఁ డైనవాఁడు రా ట్కులమణి నాల్గువేలుదళ గొల్వఁగ నుండెడువార మేము వా రలపస మత్ప్రతాపము దురమ్మున బారునఁ గాని కానరా దలఘుమనోవినోదగతి నారసి తారసిలించి చూడుఁడీ.

⁠ 221

క.⁠

ఆరాచవారి మమ్మున్ బాఱునకుం దీర్చి యొక్కపసిమినిశానీ వారలచేతికి నిచ్చిన ఘోరాహవ మోర్చి దానిఁ గొంటిమ యేనిన్.

⁠ 222