పుట:2015.373276.Rangaraya-Charitramu.pdf/92

ద్వి తీ యా శ్వా స ము.

91

తే.⁠

హర్షమగ్నాంతరంగుడౌ నానృపాలుఁ డతని కెదురేగి కౌఁగిట నామతించి తోడుకొనివచ్చి యొక్కయస్తోకచిత్ర కంబళావృత మైనకూటంబులోన.

⁠ 212

క.⁠

ఆసీనుఁ జేయ నాతం డాసారసుధారసాయితాసారస ము ల్లాసంబు నెఱపు నిష్టక థాసల్లాపములఁ గొంతదడవు వసించెన్.

⁠ 213

వ.⁠

ఇవ్విధంబునం బ్రొద్దు జరపి యిష్టకథాప్రసంగంబులవల నను గణికానికాయనటనచమత్కారజనితాభంగురవిలా సతరంగంబులవలనను నంతరాంతరంబుల నయ్యనంతాకాం తుం డొసంగు నుడుగరలవలనను గుతుకం బంతరంగంబునం బొడమనీని యంగీకారానంగీకారంబులు కార్యసౌకర్యా నంతరకరణీయంబులుగా నెఱుంగం బలుకుచుం దనయే లిక యనిపిన రాకరాకానిశాకరప్రతీకాశుం డగు నమ్మన్నె దొరకు నెఱుకపఱచినం గనలి యతం డతని కిట్లనియె.

⁠ 214

చ.⁠

ప్రబలతరప్రభుత్వమున భాసిలు ఫాదుషహా యొసంగఁగా నిబిడతమప్రభావమున నేర్పుమెయిం గొనినాముగాని సా హెబునవుబత్తు దీని నెవరేని యెఱుంగక యుండ దొంగవే డబమునఁ దెచ్చికొంటిమె తడంబడ కిట్టు లనంగ న్యాయమే.

⁠ 215

మ.⁠

బలవంతమ్మున నన్యులం గదిమి యప్రామాణ్యదుర్నీతిచే నిలు వెళ్లింపుచు నా క్రమించుకొనలే దిచ్చోటు గాణాచిగా నెలవై యుండెడుతావు మా కిదియ యెన్నే నాపద ల్వచ్చినన్ వలస ల్పోయి యెఱుంగ మేమిపనిగా వంచింప నిప్పల్కులన్.

⁠ 216