పుట:2015.373276.Rangaraya-Charitramu.pdf/163

162

రంగారాయ చరిత్రము

తే.⁠

కదిసి పైఁ బడి యొకకేల నదిమినట్టి వాఁడివాలున వక్షఃకవాటపాట నంబు గావించె నతని యానాభికుహర విదళితాంత్రవ్రజంబులు వెలికి నుఱుక.

⁠ 257

సీ.⁠

నరసింహనఖరకోణప్రభిన్నహిరణ్య        కశిపుప్రకారంబు గారవించి మరుదాత్మసంభవు కరవాలదళితదు        శ్శాసనాకారంబు నీసడించి కుంభజాతాత్మజాకుంఠకృపాణికా        భిన్నధృష్టద్యుమ్నుచెన్ను వడసి వైనతేయత్రోటికానిర్దళన్మహో        రగరాజతేజంబు రహి వహించి

⁠

తే.⁠

ధరణిఁ దొరఁగెడు పార్థివోత్తమునిఁ జూచి నల దిలీప భగీరథ నహుష రంతి శంతనులపోల్కిఁ దగెడు రాజన్యమణికి నీకు నిటువంటిదశ యబ్బెనే యటంచు.

⁠ 258

మ.⁠

అపు డాతాండ్రకులాభిమాననిధి యాహా రాజదేవేంద్ర నీ విపులప్రాభవశక్తి నీనిఖిలపృథ్వీభారధౌరేయతా నిపుణత్వంబును భాగ్యము న్వృధ చన న్నీచేయు దుశ్చేష్ట ని ట్లుపభోగింపఁగ నయ్యె నిట్టి వెత యం చుద్వృత్తి వర్ధిల్లఁగన్.

⁠ 259

తే.⁠

తాండ్రపాపయ్య సలుపుధౌర్త్యంబువలన క్షత్రవర్యుండు పులివాత కండ యయ్యె ననుడు రొద పుట్టె నంత నయ్యవనినాథు బలము లార్తరవంబునఁ గలయఁ బర్వి.

⁠ 260