పుట:2015.373276.Rangaraya-Charitramu.pdf/161

160

రంగారాయ చరిత్రము

సీ.⁠

రామచంద్రునివంటి రాజత్పరాక్రమ        శాలి వాలిని ద్రుంచు జాణతనము పార్థునంతటిజోదు పరఁగ దేవవ్రతు        మఱుపెట్టి నొంచిన నెఱతనంబు ధర్మనందనుని యంతటి మేటికుంభజ        హరణార్థమై బొంకు దొరతనంబు ననిలజుఁ డట్టివాఁ డతిరహస్యంబుగాఁ        గీచకుఁ దునిమిన రాచతనము

⁠

తే.⁠

తప్పు గనకుండుటలు ప్రసిద్ధంబుగాదె జగతి నటుగాన గూఢప్రచారచర్య నహితు నొంచుట ధర్మువే యని గ్రహించి పనిచె నొకచారు నతఁ డుండుపట్టుఁ దెలియ.

⁠ 249

క.⁠

ఆకంచుకి యల్లనఁ జని యాకఱకున్ రాచఱేనియావసథసమా లోకన మొనర్చి క్రమ్మరి యాకీ లెఱిఁగింప నెఱిఁగి యెఱిఁగి యతండున్.

⁠ 250

శా.⁠

అంతం దత్సహచారియుగ్మకముగా నారాత్రివేళ న్మహా ధ్వాంతం బెంతయు నిండికొన్నయెడఁ దద్రాజన్యసేనాని వే శాంతస్సంచరణంబున స్సమయపర్యంతంబు ప్రొద్దుచ్చి ని శ్చింతం జేరిరి శత్రురాట్పటగృహశ్రేణీబహిర్ద్వారమున్.

⁠ 251

తే.⁠

చేరి యచ్చేరువ నొకింతసేపు దడసి యాలకించుచుఁ గడునిశ్చలాక మైన తరిని ఢేరాకనాతుకు ట్టొరసి దానిఁ దనక రాచూలిచేఁ జించుకొనుచు నేగి.

⁠ 252