పుట:2015.373276.Rangaraya-Charitramu.pdf/152

తృతీయాశ్వాసము.

151

ఉ.⁠

వెంగళరాయఁ డెంత రణవీరుఁడొ కాని నితాంతవిక్రమా భంగురశక్రసూతియయి భాసిలుచు న్మదుదగ్రసర్వసే నాంగములెల్ల త్రుళ్లడచె నాతని యాహవకేళి కిప్పు డె న్నంగఁ ద్రిగర్తసైన్యము లనం గనుపట్టెడు నిబ్బలావళుల్.

⁠ 206

క.⁠

రేచెర్లగోత్రసంభవు లై చెన్నగు వెలమవారి యభినవశౌర్య ప్రాచుర్యబలముఁ బోలిన దేచాయం జూడ మవని హిందువులందున్.

⁠ 207

సీ.⁠

మెకములనడుము చించుకవచ్చు బెబ్బులి            పోలికె బొబ్బిలిపురినృపాలుఁ డుడివోని కినుకచేఁ దొడరి యీశిబిరంబు            నడిబారు చొచ్చి వెన్నడినవారు ఘోరదావాగ్నిచే నీరసారణ్యంబు            బోడ వడంగుడునట్లు కడిమి దొరఁగి చనియె నస్మత్సేన సంగ్రామరంగంబు            పీనుంగుపెంటయై పేర్చె నింక

⁠

తే.⁠

నేమి సేయంగ నోపుదు నేర్పరించి వీరు నెవ్వాని నొడఁగూర్తు వీరి నోర్వ మున్నె సేనాధిపతులెల్లఁ జన్నవార లంతకునియింటి కంతంత నతిథు లగుచు.

⁠ 208

తే.⁠

వారు స్త్రీబాలవృద్ధసంహారఘోర దారుణవిపత్తి కొడఁబడి బారుకట్టి మరణమున కెత్తి వచ్చు నమ్మానధనులు బహుజనహతంబు సేయరే భండనమున.

⁠ 209