పుట:2015.373276.Rangaraya-Charitramu.pdf/141

140

రంగారాయ చరిత్రము

⁠

పెంపు గనలే దటంచు నిలింపులెల్ల వెలమవర్ణంపుసాహసవిక్రమములు భళిభళీ యని పొగడి రభ్రమున నుండి.

⁠ 163

మ.⁠

అపు డాశాకరికర్ణకోటరపుటాహంకారనిర్వాపణా నుపమస్వానవిఘూర్ణమానపటహుం బొక్కంట మ్రోయించి రో షపరీతం బగు మానసంబున ధరాజంభారి రంగక్షమా ధిపరత్నంబు బురుంజు లెక్కిన విరోధిశ్రేణిపై మార్కొనెన్.

⁠ 164

శా.⁠

దివ్యాస్త్ర ప్రణిపాతనంబునకు నుద్విగ్నంబుఁ గైకోక ప ద్మవ్యూహం బభిమన్యుఁ డేడ్తెర విభేదప్రౌఢిమై చొచ్చిన ట్టవ్వాజోద్దతి నేకవీరుఁడయి ఘోరారాతివిభ్రాంతిశ స్త్రవ్యాపారము చీరికిం గొనక యాశౌర్యాఢ్యుఁ డూల్కొంటయున్.

⁠ 165

ఉ.⁠

సింగపుఁబిల్లబారిఁ బడి చిందరవందర లైన కొమ్ముటే నుంగులుపోలె బెబ్బులిఁ గనుంగొని పారెడు లేళ్లపోల్కె నా రంగనృపాలుధాటి కెదుర న్దిట మించుకయేని లేనిపే ర్మిం గడుభీతి నొందియును మేటిమగ ల్తురకల్మషోగ్రులై.

⁠ 166

చ.⁠

పలువురు గూడి యొక్కమొగి బాణకృపాణపరంపరాసము జ్జ్వలతరచాకచక్యము దిశావలయంబుల కెక్కి పాఱ నూ ర్పులు నిగిడించుచుం జెలగి పోరికిఁ దార్కొనునంత వాలునుం బలుకయు బూచిపట్టె నరపాలశిఖామణి యోహటించుచున్.

⁠ 167

చ.⁠

తరమి ప్రతాపదర్పితులఁ దద్రిపుయోధుల నూచముట్టఁగాఁ గరములు పెందొడ ల్దలలు కంఠతలంబులు చెక్కుచెక్కుగా నరకుచు దూగి పాఱ వడి నల్వుర మువ్వుర హత్తి కుత్తుక ల్దరగెఁ జలంబుచే ధుమికి లాఘవలంఘనలక్ష్యచాతురిన్.

⁠ 168