పుట:2015.373276.Rangaraya-Charitramu.pdf/14

పీఠిక

13

సీ.⁠

అం దగ్రమహిషియం దలఘుప్రతాపుని        వేంకటరామపృథ్వీపతిలకు సన్నుతౌదార్యు సూరన్నప్రభూత్తంసు        రామభూమీమండలామరేంద్రుఁ గొండొకసతియందు గురుశౌర్యు వేంకట        నరసింహరాయభూవరవతంసు ఘనునివల్లారాయ జననాయకవరేణ్యు        రామచంద్రక్షమారమణచంద్రుఁ

⁠

తే.⁠

గ్రమము దీపింపఁ బుత్రషట్కంబు గాంచె మువుర మువ్వుర సమతానుమోదలీల నమ్మహాసాధుసాధ్వీయుగ మ్మెలర్పఁ బ్రబలరుచిహేళి కొండలరాయమౌళి.

⁠ 38

తే.⁠

తత్తనూభవషట్కసౌందర్యధైర్య శౌర్యచాతుర్యధుర్యతాసరణిఁ దెలియ విన్నవించెద మిగుల వేర్వేర నెన్ని సకలజనమానసానురంజకము గాఁగ.

⁠ 39

సీ.⁠

ఏధన్యుసత్కీర్తి యిందుకుందమరాళ        ధారాళరుచులతోఁ దారసించు నేధీరువితరణం బినతనూసంభవు        విశ్రాణనప్రౌఢి వీటబుచ్చు నేవీరుదోశ్శౌర్య మింద్రనందనుభుజా        పాండిత్యమునకు విశ్రాంతి యొసఁగు నేభవ్యుసౌందర్య మిక్షుచాపసురూప        నైపుణ్యగుణముల నేఁపు గాంచు

⁠