పుట:2015.373276.Rangaraya-Charitramu.pdf/13

12

రంగారాయచరిత్రము

⁠

శమితరిపువర్గదోర్గర్వతిమిరుఁ డలరు రమ్యగుణహారి కొండలరాయశౌరి.

⁠ 34

శా.⁠

ఆసౌభాగ్యబలారి గైకొనియె భార్యాయుగ్మముం గొండమాం బాసాధ్వీమణిఁ జిన్నపాపమసతిం బద్మామనోభర్తల క్ష్మీసర్వంసహల న్వరించుపగిదిన్ శ్రీరుక్మిణీసత్యభా మాసీమంతవతీవతంసములఁ బ్రేమం గృష్ణుచందంబునన్.

⁠ 35

మ.⁠

అనసూయాసతి నన్నపూర్ణను బులో మాత్మోద్భవారుంధతీ వనితారత్నములం బయోధితనయన్ వైదేహి నశ్రాంతముం దనసౌశీల్యపతివ్రతాత్వవినయౌదార్యాదుల న్మించి పే ర్కొను కొండమ్మకు నింకఁ గాంత లెనయే కొండొక్క రిమ్మేదినిన్.

⁠ 36

సీ.⁠

తనదయాలీలాంచితనయవిశేషముల్        సకలార్థిజనములు సంస్తుతింపఁ దనసాధువినయవర్తనసొంపు సేవించి        యుభయవంశంబులు నుత్సహింపఁ దనగుణపారిజాతనవీనవాసనల్        నిఖిలకకుప్పాళి నిండికొనఁగఁ దనతాల్మికల్మి యింతనరాక వెగ డొంది        తోడిచేడియల కుత్సుకత నెరప

⁠

తే.⁠

దనరు నాత్మీయసౌశీల్యదానధర్మ విభవసౌభాగ్యకారుణ్యవిశదకీర్తి సాధుమాధుర్యనయగుణసారముదిత బంధునికురంబ శ్రీచినపాపమాంబ.

⁠ 37