పుట:2015.373276.Rangaraya-Charitramu.pdf/117

116

రంగారాయచరిత్రము

తే.⁠

లెక్క కెక్కుడుగాఁ దూగు రేకలాలు గుంటికోపులు జబరుజంగులు ఫిరంగు లొక్కమొగి గాతు గావింప నుక్కు మెఱసె గుండ్లగుంపులు జడివాన గురిసినట్లు.

⁠ 66

క.⁠

ఇరువాగుదొరలదళములు మొఱసె నగారాలు మేరుముఖపర్వతముల్ దురమున కొండొరు దారసి యురువడి ఢీఢిక్కులాడు నొఱపునఁ దఱుచై.

⁠ 67

శా.⁠

భేరీభాంకరణంబులుం గరిఘటాబృందిష్ఠఘీంకారముల్ ఘోరాటోపవిజృంభితారిజనతాకోదండఠంకారముల్ వీరవ్రాతభయంకరారభటిమద్విఖ్యాతహుంకారముల్ నీరంధ్రంబులుగాఁగ రెండు దెసలన్ నిండెన్ ప్రచండోద్ధతిన్.

⁠ 68

మ.⁠

తమప్రాణంబులు వైరికోటులును దత్ప్రాణప్రతానంబులుం దమకుం గైకొనకుండ మార్పులకు నై దార్కొన్న యాయోధనో ద్యమలీలావసరంబునం దెగర నేయం దోఁచు పిష్టాతక క్రమమై వైచె ధరారజంబు హయరింఖాసంఘసంఘాతమై.

⁠ 69

తే.⁠

అట్టియద్భుతరసదిదృక్షాతిశయము చొక్కగ విమానతకు లెక్కి నిక్కినిక్కి చూడసాగె వియచ్చరస్తోమ మప్పు డభ్రమున నుండి తముఁ దాఁకు ననెడుభీతి.

⁠ 70

తే.⁠

అంత నేనును గలహాళి నగుటఁ జేసి కుతుక ముదయించి వచ్చి భారతరణంబు

⁠