పుట:2015.370800.Shatakasanputamu.pdf/598

శ్రీరామప్రభుశతకము

647

⁠

జపము ల్జేసిన యాగవైదికమహాచారంబులం జేసినన్ దపము ల్జేసినఁ బూజఁ జేసిన మహాదానంబులం జేసినన్ విపరీతంబగు నీకొసంగని క్రియావిఖ్యాతి రామప్రభో.

⁠ 84

శా.⁠

నీకే నెంగిలి పెట్టఁజాలను దయన్ నీరొమ్ముపై దన్నఁగా నా కాలాడదు వ్యత్యయంబు గను నీ నామంబుఁ జింతింపఁగా నేకాగ్రస్థిరబుద్ధి నిల్వ దకటా యేలాగు నీరూపమున్ నాకున్ గానఁగవచ్చు భక్తి యిసుమంతన్ లేక రామప్రభో.

⁠ 85

శా.⁠

శ్రౌతస్మార్తవిధానయజ్ఞముఖదీక్షావృత్తు లేజాడవో జ్ఞాతృజ్ఞేయము లెట్టివో విపులమంత్రాచారపూజాతపః ప్రాతస్నానవిధాన మేవిధమొ జీవబ్రహ్మ లేచందమో యీతాత్పర్యము లే నెఱుంగ నిఁక నీవే దిక్కు రామప్రభో.

⁠ 86

శా.⁠

అన్నల్దమ్ములు నాలుబిడ్డలు ధనం బార్జింపుచున్నంతకున్ దన్ను న్మన్ననఁ జేతు రెంతయును వృద్ధత్వంబునన్ ఖిన్నుఁడై యున్న న్గన్నులఁ జూడ రీవిఫలసంయోగంబులే సౌఖ్యముల్ దున్నల్ మానరుగాక మానవులు పొందుల్ కీడు రామప్రభో.

⁠ 87