పుట:2015.370800.Shatakasanputamu.pdf/503

550

భక్తిరసశతకసంపుటము

గీ.⁠

వాయుసుతు చేత జానకివార్త దెలిసి తర్లి సేతువు బంధించి త్వరను దాఁటి రావణానుజు కభయంబు రయము నొసఁగి ఘోరరణమందు రావణుఁ గూలఁ జేసి యతనితమ్ముని రాజుగా నమరఁజేసి సతిని జేకొని సురలెల్ల సన్నుతింప రాజ్య మేలి తయోధ్యకు రాజ వగుచు...

⁠ 25

సీ.⁠

దేహంబు విడుచుట దినము తా నెఱుఁగఁడు                       కర్మంబువచ్చుటఁ గానలేఁడు మూఁడవస్థలలోన మునిగి తేలఁగలేఁడు                       ఆఱ్వురుశత్రుల నణఁచలేఁడు మగువల రతులందు మమతమానఁగలేఁడు                       వాఁడు వీఁడనిపల్క వదలలేఁడు అభిమానరహితుఁడై యాసలాపఁగలేఁడు                       ఇంచుకహరిమాయ యెఱుఁగలేఁడు

⁠

గీ.⁠

నందు బ్రహ్మంబు తానగు టరయలేక బుద్ధిహీనులకడ కేఁగి పొందుఁ జేసి యుదరభరణంబు గానక యుర్విలోన....

⁠ 26

సీ.⁠

నీతి యెఱుంగవు నిందకు నోడవు                       చంచలం బెప్పుడు చెడ్డగుణము వాయువేగముకంటె వడిగలవాఁడవై                       సాఱెద వెప్పుడు పడుచుతనము

⁠