తాడేపల్లి పానకాలరాయ కవికృత
మానసబోధశతకము
| ఉ. |
శ్రీరమణీమణీహృదయసేవితముల్ నవఫుల్లహల్లక
శ్రీరమణీయసుందరవిశేషవిలాసము లబ్జసంభవో
దారకిరీటరత్నలలితద్యుతిపూర్ణములట్ల గావగా
సారతరంబు లంచు మనసా హరిపాదము లాశ్రయింపుమా.
| 1
|
| ఉ. |
దండిగఁ జట్టుఱాతిని యథావిధి నంగనగా నొనర్చె ను
ద్దండతఁ గొండచిల్వను ముదంబునఁ జేసెను దివ్యదేహిఁగాఁ
బండితు లైనవారి నెడఁబాయక బ్రహ్మపదంబుఁ జేర్చె నీ
చండితనంబు మాని మనసా హరిపాదము లాశ్రయింపుమా.
| 2
|
| చ. |
సనకసనందనాదిమునిసత్తము లుత్తమభక్తియుక్తిసా
ధనమున నంబుజాక్షునిపదంబుల సేవ యొనర్చి ధన్యులై
మనుట యెఱింగి యింకఁ గొఱమాలినవారల వేఁడ నేల నీ
వనవరతానురక్తి మనసా హరి...
| 3
|
