పుట:2015.370800.Shatakasanputamu.pdf/367

సీ. భోజనవస్త్రతాంబూలగంధప్రియ
               కామినీసంగీతకనకభూష
     ణాదుల మేదుశయ్య లనఁ దగు నష్టభో
               గము లనుభవింపుచుఁ గటుకాషాయ
     తిక్తాంలమధురవార్ధిజముఖ్యషడ్రస
               ముల నెఱుఁగుచుఁ భక్ష్యభోజ్యలేహ్య
     పానీయచోష్యసుపంచవిధాహార
               ముల నతిథులఁ దృప్తి బొందఁజేసి
గీ. చెలఁగి విహరించుమనుజుఁడే క్షితితలమునఁ
     బ్రతిభఁ గాంచును దా సభాపతి యనంగ
     సురుచిరాకార ఉన్నవపురవిహార
     రాజగోపాల రాధామనోజఖేల.86
సీ. వీర బీభత్ససృంగారకరుణాద్భుత
               శాంతాదినవరసస్వాంతుఁ డగుచుఁ
     గులరూపయౌవనస్థలధనవిద్యాప్ర
               భృత్యష్టమదములఁ బెనఁగుగొనక
     నిధిజలపాషాణనిక్షేపకక్షోణి
               కాగామిసిద్ధస్వాస్థ్యంబు లనెడి
     యష్టభోగములతో నైనగృహారామ
               క్షేత్రముల్ భూసురశ్రేణి కొసఁగు
గీ. పురుషసింహుండు వెలయు నీపుడమిలోన
     వితతయశుఁ డనఁ దా సభాపతి యనంగ
     సురుచిరాకార ఉన్నవపురవిహార
     రాజగోపాల రాధామనోజఖేల.87