సీ. సలలితంబుగ మూఁడునెలలబాలుండవై
బండిఁ దన్నినయట్టిదుండగంబు
వలనొప్ప నేఁడాదివాఁడవై యాతృణా
వర్తునిఁ జంపినధూర్తతనము
క్రేపులఁ గాచుచోఁ గినిసి బకాసురుఁ
బట్టిద్రుంచినయట్టిదిట్టతనము
ఆటలాడుచును వత్సాసురు నదరంట
సెలగోలఁ గొట్టినబలిమి కలిమి
గీ. ఖరదనుజుఁ గూల్చినట్టియాచుఱుకుఁదనము
చెలఁగి చాటుదు నన్ను రక్షింపకున్న
సురుచిరాకార ఉన్నవపురవిహార
రాజగోపాల రాధామనోజఖేల.24
సీ. గోవుల మనుజుల బ్రోవ గోవర్ధన
గిరిఁ గేల నెత్తినబరవసంబు
సొంపు మీఱఁగ నాయశోదకు ముఖమున
లోకముల్ చూపినభీకరంబు
బలియుఁడవై గోపభామినీమణులను
దుడుకుపనుల్ సేయుపడుచుఁదనము
పరమేష్ఠి దాఁచిన బాలవత్సములను
బ్రతికల్పనము చేయు చతురతయును
గీ. దగిలి కార్చిచ్చు మ్రింగిన తెగువతనము
చెలఁగి చాటుదు నన్ను రక్షింపకున్న
సురుచిరాకార ఉన్నవపురవిహార
రాజగోపాల రాధామనోజఖేల.25
పుట:2015.370800.Shatakasanputamu.pdf/334
ఈ పుట అచ్చుదిద్దబడ్డది