చెంగి చనన్‌ శివార్పితము చేసి భుజించిన సుప్రసాద! నీ
వంగడమేఁ జుమయ్య బసవా! బసవా! బసవా! వృషాధిపా!76
ఉ. చిత్తజవైరి విక్రమముఁ జెప్పకు చెప్పకు త్రావనోడి తాఁ
గుత్తుక నిల్పెనంచుఁ గడు గ్రూరతరంబగు కాలకూటమున్‌
గుత్తుక బంటి గ్రోలిన యకుంఠితవిక్రమ చక్రవర్తి! భా
స్వత్తమ! నీవె దిక్కు బసవా! బసవా! బసవా! వృషాధిపా!77
ఉ. తంగెటిజున్ను, ముంగటి నిధానము, పండిన కల్పవల్లి, ముం
గొంగున ముత్తియంబనఁగ, గూర్మి మనంబునఁ దొంగలింపగా
జంగమకోటికర్చనలు సల్పుచునున్న యగణ్యపుణ్య! నీ
వంగడమేఁ జుమయ్య బసవా! బసవా! బసవా! వృషాధిపా!78
ఉ. భీమగజంబు డీకొనిన బిట్టరఁజంపుడు బిజ్జలేంద్రుఁడు
ద్దామతఁ దక్కి మ్రొక్కుటయుఁ దత్కరినెత్తిన విక్రమోద్ధతుం
డా మడివాలు మాచయకు నగ్గలమైన మహానుభావ! నా
స్వామివి నీవె దిక్కు బసవా! బసవా! బసవా! వృషాధిపా!79
ఉ. శంకదలిర్చ నెంతయు వెసన్‌ బరదైవ పతంగ కోట్లకున్‌
బింకముతోడ ఫాలతట భీమవిలోచన వహ్ని నేర్చు నా
శంకరదాసి దేవునకు సద్భటుఁడంచు నుతించు నన్ను నీ
పుట:2015.370800.Shatakasanputamu.pdf/29
ఈ పుట అచ్చుదిద్దబడ్డది
