ఉ. బిజ్జలు నర్థమంతయు బ్రీతిగ జంగమకోటికిచ్చె నా
నజ్జగతీశ్వరుండడుగ, నక్షయ బండరువా క్షణంబులో
నిజ్జగమెల్లఁ జోద్యపడ నిచ్చిన, లింగ సదర్థ నమ్ర వి
ద్వజ్జన నీవె దిక్కు బసవా! బసవా! బసవా! వృషాధిపా!72
చ. ఉరు శివయోగనిద్ర మెయినున్న తఱిన్‌ ఫణిహారి యేఁగుడున్‌
మరచి చనంగ జంగమసమన్వితమై మును బ్రాణమేగి యు
ద్ధుర గతివారు వచ్చుటయుఁ దోడనె వచ్చిన జంగమాత్మ! నీ
వరవుఁడ నేఁజుమయ్య బసవా! బసవా! బసవా! వృషాధిపా!73
ఉ. సంగయదేవుఁడర్థి నొక జంగమమై చనుదెంచి వేఁడ ను
ప్పొంగి లలాటలోచనము భోరున నద్దము వట్టి చూపుడున్‌
జెంగి యదృశ్యుఁడైన శివుఁ జేకొని యార్చిన యప్రతర్క్య! నీ
వంగడ మేఁజుమయ్య బసవా! బసవా! బసవా! వృషాధిపా!74
ఉ. కర్ణవతంసమీక పెనఁగన్‌ సతిచెక్కిలి వ్రేయుడున్‌ మహా
తూర్ణతఁజెంది జంగమము దో స్థలమెత్తి పసిండియాకు సం
పూర్ణ నికృష్టభక్తి మెయిఁబొల్పుగ నిచ్చిన నిష్ప్రపంచ! నీ
వర్ణము నేఁజుమయ్య బసవా! బసవా! బసవా! వృషాధిపా!75
ఉ. శృంగి పురోగమాఖిల విశేషవిషంబులు గూర్చి మండుచున్‌
బొంగి భుగిల్లు భుగ్గురను భూరివిషాగ్ని నిషాదులార్తులై
పుట:2015.370800.Shatakasanputamu.pdf/28
ఈ పుట అచ్చుదిద్దబడ్డది
