పుట:2015.370800.Shatakasanputamu.pdf/264

     భీకరంబుగ గండపెండేరములు బూని
               నవరత్నమయభూషణములు దాల్చి
గీ. వీరశృంగారరసములు వెలయ నీవు
     కౌశికునితోఁ జనుట తాటకావధంబు
     సలుప జానకి బెండ్లాడఁ దలఁచియె కద
     వైరిహరరంహ! సింహాద్రి నారసింహ!88
సీ. శిల డాసినప్పుడె చికురభావము దోఁచెఁ
               బదపద్మకలితషట్పదము లనఁగ
     నడిగిడినప్పుడె యాననం బేర్పడె
               నఖతారగతి నిశానాథుఁ డనఁగ
     నంజవేయఁ గుచద్వయము గనుపట్టెను
               రతియుక్తకోకదంపతు లనఁదగి
     కలయఁగ్రుమ్మరువేళఁ గాంతయయ్యె దనూజ
               నొసఁగ నల్లునిఁజూచు నుర్వి యనఁగ
గీ. నంత గౌతమునతివ యహల్య యగుచు
     నతిథిసత్కారములు సల్పెనఁట త్వదంఘ్రి
     రజము నుతిసేయఁ దరమె శ్రీరామచంద్ర
     వైరిహరరంహ! సింహాద్రి నారసింహ!89
సీ. జనకరాజన్య సంసన్మధ్యమున నుండి
               గొబ్బున లేచి వే నిబ్బరముగ
     మణిలసత్కంకణ మంజుధ్వనులచేత
               రాజన్యమనములు రగులఁజేసి
     సామిలంబుగఁ గంఠసరములు దాలిచి
               యీశ్వరచాపంబు నెత్తి హస్తి