సీ. శ్రీదేవి మరి తనుఁ జేర రానీదని
భూదేవి వదలక బొదివె ననఁగ
మోక్షధనంబని మునులు మహాపేక్ష
చేతినిక్షేపంబు జేసి రనఁగ
భక్తాగ్రగణ్యుఁడై బలి పూజసేయఁగా
బలిసద్మముననుండి వెలసె ననఁగ
బ్రహ్మాదిహృదయసారసములతోడ దా
గుడుమూఁత లాడుచుండెడు ననంగ
గీ. ధరణి గుప్తములైన పాదములతోడఁ
బాఱిపోలేవు యిఁక నేదిఁబ్రతుకుత్రోవ
పౌరుషము చాలదు తురష్కబలముఁ ద్రుంప
వైరిహరరంహ! సింహాద్రి నారసింహ!58
సీ. నిఖిలవిశ్వంబును నీయందు దాగియుండు
విశ్వంబులో నీవు వెలసినావు
వాగ్రూపకుడవు విశ్వమయుండవు
విశ్వసాక్షివి విశ్వవిభుఁడ వీవు
విశ్వసర్గస్థితి విదళనకరుఁడవు
విశ్వంబునకు నీకు వేఱు లేదు
కినుక విశ్వద్రోహ మొనరించు దుష్టల
శిక్షించి ప్రజల రక్షింపు మీవు
గీ. యింత బతిమాల మాకేల యెట్టులైనఁ
గాని శుభకంద కందకు లేనిదూల
బచ్చలికి నేల గలుగునో పరమపురుష
వైరిహరరంహ! సింహాద్రి నారసింహ!59
పుట:2015.370800.Shatakasanputamu.pdf/249
ఈ పుట అచ్చుదిద్దబడ్డది