గేలన్‌ మెచ్చొనరింపఁ గోపకులతోఁ గ్రీడారసస్ఫూర్తి నీ
వాలం గాచువిధంబు నేఁ దలఁతుఁ గృష్ణా! దేవకీనందనా!16
శా. పెచ్చుల్‌ ప్రేలుచుఁ బిల్లఁగ్రోవి రవమున్‌ బెంపొందఁగాఁ జొక్కుచున్‌
నిచ్చల్‌ నిన్ను భజింప గోపగణమున్‌ నిత్యోత్సవక్రీడమై
నెచ్చల్‌ మచ్చిక ముచ్చటచ్చుపడఁగా హెచ్చించి కీర్తించి నీ
సచ్చారిత్రము విన్నఁ బుణ్యమగుఁ గృష్ణా! దేవకీనందనా!17
మ. లలనాకుంచితవేణియుం దడవ మొల్లల్‌ జాఱ కస్తూరికా
తిలకంబుం గఱఁగంగ లేఁతనగవున్‌ దీపింప నెమ్మోమునన్‌
దళుకుల్‌ చూపెడిచూపు లుల్లసిల నానారీతులన్‌ వేణుపు
ష్కలనాదంబులపెంపుఁ జూపుదువు కృష్ణా! దేవకీనందనా!18
మ. కలకాంచీమణికింకిణీమధురనిక్వాణంబు మంజీరమం
జులరావంబును గొంతకొంత వినవచ్చెన్‌ బట్ట లేనైతి నం
కిలి నిద్రించుట మోసపుచ్చె హితవాగ్గేయుండు నేఁడంచు ని
చ్చలు మీశౌర్యము లెంచు గోపతతి కృష్ణా! దేవకీనందనా!19
మ. కలనైనన్‌ నగియైనఁ గోప మెసఁగంగా నైన మీనామ ని
ర్మలవర్ణద్వయ మెవ్వరేఁదలఁచినం బాపౌఘముల్వాయును
పుట:2015.370800.Shatakasanputamu.pdf/144
ఈ పుట అచ్చుదిద్దబడ్డది
