94 బిల్వమంగళ [అం 4
ఎంతకాలంబునకు ♦ అంతమొందెదవు?
తారాడుచున్నను ♦ తరువులనడుమ
కలుషితశయ్యయే ♦ కన్నులను కట్టు,
తనువు నమ్మితి నట ♦ ధనము చేకూర్ప.
జిహ్వ గోరుచునుండు ♦ శ్రేష్ఠ రుచిచయము,
విసమును బంధువులు ♦ మెసవింపనున్న.
మలినవస్త్రంబులు ♦ మదికి నచ్చవుగ
ఆభరణంబుల ♦ నాశించుచుంటి
మోహజాలంబున ♦ మున్గిపోవగను.
నెర చింతచచ్చిన ♦ విరుగదు పులుపు,
పాడుసంస్కారంబు ♦ బాధించుచుండు.
చిరజీవిగా దీని ♦ జేసెనో బ్రహ్మ
అంత మొందదు కల్ప ♦ మంతమగుచుండ!
బిచ్చ - ఏ మాలోచిస్తూన్నావు. తల్లీ పిల్లడువలె తరలుదాము రా.
చింతా - ఎక్కడికి?
బిచ్చ - నీచిత్తమునకు నచ్చిన చోటికి.
చింతా - సరే-పద....(పాడుతూ పోవుదురు)
_________
