రం 1] బిల్వమంగళ 45
చూడనాహృదయంబు - శూన్యగేహంబు
ఎవ్వడు నావాడొ - యిందు రావచ్చు,
తిమిరపూరము నాదు - దేహపంజరము
ఉండజాలదు ప్రాణ - మురుభీతికలన
అయ్యయో! భంగంబు - నందె నాయాశ
మరుభూమిమధ్యాన - మనియుండు నేను.
ఎవడను? నేనిట - కేలవచ్చితిని?
ఛీ! ఏల నీయుదాసీనత గల్గె?
ఏది మేలొనగూర్చు - నీప్రాణములకు?
ఏదియోప్రేమాబ్ధి - యెచటుండునదియొ?
కోరుచుందునుప్రేమ - కొమరొప్పజూప
ధన్యాత్మ చెప్పవే - ధన్యుండనౌదు.
సోమ - అయ్యా? నీవు ధన్యుడవే. ప్రేమమయియైన రాధ నిన్ను ప్రేమపూర్ణునిగా చేసింది. నీకు భగవంతుని యెడ ప్రేమ కుదిరింది.
బిల్వ - అయ్యా! మిమ్ము గురువుగా భావిస్తాను. ప్రేమమయియైన రాధ యంటిరి, ఆమె యెక్కడ నుంది?
సోమ - నేను గురువునా? శ్రీకృష్ణు డొక్కడే అందరికీ గురువు. ఇంకొకరు కారు.
బిల్వ - రాధ ఎవతెయో చెప్పవా?
సోమ - రాధాకృష్ణమూర్తులు నా కగుపడుతూన్నవి. అవే చూడు...ప్రేమ ఎంత గబీరమో ఎవ్వ డెరుగును? నీ
