ఈ పుట అచ్చుదిద్దబడ్డది
61
శశికళ
అంతప్రేమ కనుల వెలిగె
ఆరతిగా అందుకొంటి
వెలుగుల వెనకై నవ్వులు
తలపై వాలిన పువ్వులు
లోచనాల హాస లీల
లోలాక్షీ ప్రియ బాలా !
చక్ష్వాంచల స్రావితమై
పక్వాంచలములు చిందెను
ఆనందపు భాష్పములో
ఆర్తి కరిగి కన్నీ రో
లోచనాల హాస లీల
లోలాక్షీ ప్రియ బాలా !
ఆకాశము నీల నిధులు
అబ్థి సుడులు నీలపధులు
నీ కన్నుల నీలి నవ్వు
నీరు నింగి తెలిసేయునొ
లోచనాల హాస లీల
లోలాక్షీ ప్రియ బాలా !
