ఈ పుట అచ్చుదిద్దబడ్డది
57
శశికళ
ఆశయదేవి
మనుజుని మనుగడ కని కృంగితివే
మినుచెలి శశికళ ! ప్రణయవు దేవీ !
తనలో దాగిన రాక్షసత్వమును
మనుజు డెప్పుడూ చెరవిడదీయును
చీల్చి చెండునట మానవత్వమును
నిల్చును ఘోరపు నీడై దారుల
మనుజుని మనుగడ కని కృంగితివే !
ఆతని వెలుగై ఆతని ఛాయగ
అనుసరించునట ఆశయ దేవియు
మనుజుని లోనే మను దేవత్వము
ప్రణయ పవిత్రము పరవశ రూపము
మనుజుని మనుగడ కని కృంగితివే !
కాకుము పసరము కాకు పిశాచివి
లోక కంటకుడవై కూలకురా
ఊకొట్టుము ప్రణయోక్తుల నరుడా
సేకరించుముర శిల్ప రసజ్ఞత