ఈ పుట ఆమోదించబడ్డది
31
శశికళ
సమ భంగాకృతి నిలిచెను
సుమ పరిమెళములు విరిసెను
నగ్నబాల నా శశికళ
నగ లలంకరించని కల
తళ తళమని మెరిసె దేవి
తలిరుటాకు మృదువు ప్రోవు
అనుప మాన సౌందర్యము
నిరుప మాన లావణ్యము
ఉద్రిక్తము నా హృదయము
ఉద్గాఢము నా ప్రణయము.
పదములు పూవుల గుత్తులు
మధుపము నా తోడి చిత్తము
సుషమాధారము జంఝలు
తుషారార్ద్రములు తలపులు
అమృత కలశమామె కుకటి
అమరపతి నామె ఎదుట
డమరుక మధ్యమ్ము నడుము
క్రమము తప్పి మది నృత్యము