ఈ పుట అచ్చుదిద్దబడ్డది
శశికళ
110
గానసుందరి
సారెలను సవరించి తంత్రుల
తీరుపుల మీటించి శ్రుతిగా
నేరుపులు పాటించి వయెలిన్
తాల్చితివి హృదయాన దేవీ !
గారములు శృంగారములు మధు
పూరములు విరితోరములు ఝం
కారములు ఘంకారములు సం
రావములు నయ్యెన్.
రాగములు సంపుల్లమయ్యెను
రాగమొందెను తానవర్ణము
త్యాగ బ్రహ్మమె నాదబ్రహ్మై
తీగెలను స్పందించి వెడలెన్.
జీవమున అట్టడుగు భావము
చేయిపెట్టీ కలచినట్లై
చీకు తలపుల క్షుద్రకాంక్షలు
చివ్వునా పై కెగసి వచ్చెన్.
గుండెలో ఎఱ్ఱన్ని రంగలు
మండిపోయెను ఆశయాశలు
ఎండిపోయెను మొండినై చెడు
దుండగుడనై తిన్.
