పుట:Sasi Kala, Adavi Bapiraju.pdf/114

వికీసోర్స్ నుండి
ఈ పుట అచ్చుదిద్దబడ్డది

శశికళ

98

"బాపన్న బంగారు బాలన్న" ఆ వయసు
పాటలకు నిదురలో పవ్వళించిన సొగసు

             ఆసొగసె ఆహోయలె దేవీ
             నీ సోయగము వయసుకావే !

మెళ్లోన పులిగోరు కాళ్ల గజ్జల వయసు
ఒళ్లు బంగరుతొనల ఒరుసుకొను నాసొగసు

             ఆసొగసె ఆహోయలె దేవీ
             నీ సోయగము వయసుకావే !

తప్పటడుగుల కులికి తలుపుదాటిన వయసు
కప్పురపు వాసనలు గంధమలదిన సొగసు

             ఆసొగసె ఆహోయలె దేవీ !
             నీ సోయగము వయసుకావే !

ఆనాడె నీకొరకు అన్వేషినగు వయసు
అందాల నెలపాప నడిగివేడిన సొగసు

             ఆసొగసె ఆహోయలె దేవీ !
             నీ సోయగము వయసుకావే !