విష్ణు ధర్మోత్తర పురాణము/తృతీయ ఖండము/ప్రథమ అధ్యాయము
ప్రథమ అధ్యాయము
ఓం నారాయణం నమస్కృత్యం నరం చైవ నరోత్తమం
దేవీ సరస్వతీ వ్యాసం తతో జయముదీరయేత్
వజ్ర ఉవాచ
1. కిం కర్తవ్యం మనుష్యేణ కిం కుర్వం సుఖమేధతే
అస్మిల్లోకే పరేచైవ కేనాప్నోతి మహత్సుఖం
మార్కండేయ ఉవాచ
2. అంతర్వేది బహిర్వేది పురుషేణ విజ్ఞానతా
దేవతాపూజనం లోకద్వయమభీప్సతా
3. యజ్ఞేషు దేవయజనమంతర్వేది ప్రకీర్తితం
బహుర్వేది తథైవోక్తముపవాసవ్రతాదికం
4. ఇష్టాపూర్తేన లభ్యంతే యే లోకాస్తాంబుభూషతా
దేవానామాలయ: కార్యో ద్వయమప్యత్ర దృశ్యతే
5. విశేషేణ కలౌ కాలే కర్తవ్యం దేవతాగృహం
కృతత్రేతాద్వాంపరేషు నరా: పశ్యంతి దేవతాం
6. త్రిప్యం ప్రాప్య న పశ్యంతి పూజాస్వర్చాగతా యత:
కృతాదిష్వాపి దృష్ట్వా చ దేవాన్మనుజపుంగవ
7. అర్చాగతవిశేషేణ పూజ్యంతి విధానత:
చిత్రసూత్రవిధానేన దేవతార్చా వినిర్మితం
8. సురూపాం పూజయేద్విద్వాస్తత్ర సన్నిహితా భవేత్
అథార్చా లక్ష్మణైర్హీనాం వస్తు పూజ్యతే నర:
9. తస్యానర్థా వివర్ధంతే తస్మాత్తాం చ వివర్జయేత్
స్వాకారాం లక్షణోపేతాం యస్తు సంపూజయేన్నర:
10. స సర్వకామానాప్నోతి నాత్ర కార్యా విచారణా
అస్మిల్లోకే పరే చైవ సుఖవాన్స భవేత్ సదా
11. ప్రసాదకరణం పుణ్యం దేవార్చకరణం తథా
సురార్చాపూజనం పుణ్యం తత్ర పుణ్యం నమస్క్రియా
12. తస్మాత్సర్వప్రయత్నేన సురార్చా లక్షణాన్వితాం
కారయేత్పూజయేద్విద్వాన్ న త్వలక్షణం సంయుతాం
13. ధర్మమర్థ తథా కామం మోక్షం చ యదునందన
ప్రయచ్ఛంతి మహారాజ నరాణమిహ దేవతా:
14. కామానిష్టాన్ప్రయచ్ఛంతి సర్వగమానంత్యమేవ చ
తస్మాత్సర్వప్రయత్నేన నృణాం పూజ్యా దివౌకస:
15. నిత్య నరాణాం సురపూజకానాం
లోకా మనోజ్ఞా: సులభా భవంతి
లోకే తథాస్మిన్ధనధాన్యయుక్తా
సమృద్విభావశ్చ నరా భవంతి
ఇతి శ్రీ విష్ణు ధర్మోత్తరే మార్కండేయ వజ్ర సంవాదే తృతీయే కాండే చిత్రసూత్రే ప్రథమోధ్యాయ: