పుట:Yenki Paatalu Nanduri Venkata Subba Rao.pdf/91

వికీసోర్స్ నుండి
ఈ పుట అచ్చుదిద్దబడ్డది

రాకపోకలు

ఏ లోకమోపోక ఎటకొ నా రాక
యితరు లెవ్వరికెరుక యెంకికేగాక!
చేలపాటున నేను
చెట్లచాటున తాను
పాట జగమును రేపు
పాటు యుగమును బాపు
ఏ లోకమో......

మోటనడుపుట నేను
తోటతడుపుట తాను
మనిసినే యని వగతు
మాకునైపోవలతు
ఏ లోకమో......

చేనులోనేనిదర
తాను వెలుగుచు యెదర
స్వప్నలోకముదించు
స్వర్గమును స్వారించు!!
ఏ లోకమో......

యెంకి పాటలు 75