ఈ పుట అచ్చుదిద్దబడ్డది
ఆ కాలపు నాయెంకి
దూరాన నారాజు కే రాయిడౌనో!
ఈ రోజు నారాత లే రాలపాలో!
సీమ సిటుకనగానె
సెదిరిపోతది మనసు__
కాకమ్మ సేతైన కబురంప డారాజు
దూరాన నారాజు కే రాయిడౌనో ......
కళ్ళ కేటో మబ్బు
గమ్మిన ట్టుంటాది__
నిదరల్లె నావొల్లు నీరసిస్తున్నాది
దూరాన నారాజు కే రాయిడౌనో!......
ఆవు 'లంబా' యంట
అడిలిపోతుండాయి__
గుండెల్లొ వుండుండి గుబులు బిగులౌతాది
దూరాన నా రాజు కే రాయిడౌనో !. . . . . .
తులిసెమ్మ వొరిగింది,
తొలిపూస పెరిగింది__
మనసులో నా బొమ్మ మసకమస కేసింది
దూరాన నారాజు కే రాయిడౌనో!......
26 యెంకి పాటలు
