ఈ పుట అచ్చుదిద్దబడ్డది
నాల్గవ ప్రకరణము
31
బ్రీతి చాలఁగలదు. ధర్మ మెచటనుండునో అచట జయము
గూడ నుండును.
రామ:- తారానాధుని మనకడకు వచ్చునట్లు చేసిన నేదేని లాభము మనకుఁగల్గునా ?
ఆదిల్ : చిత్తము. మీకుఁ దెలియని దేదికలదు ! లాభము చాల యుండును.
రామ: అతఁడచట మంత్రిగదా !
ఆదిల్ :- కావున నే యతనికిఁ జాల సంగతులు తెలియఁగలవు. గోల్ కొండ నవాబు మనకు విరోధిగదా ! 'అతని నెట్లేని సాధింపవలయును. అందునకితఁడు మనకుఁ జాల సాయము సేయఁగలఁడని తలఁచెదను . రామ: అతఁడు చిర కాలము తన్ను బోషించిన రాజుగుట్టును మనకుఁ జెప్పునా ?
ఆదిల్ : అతఁడుగూడ మనవలె నతనికి గర్భ శత్రువు కావున నతఁడు రహస్యములను మనకుఁ జెప్పవచ్చును.
రామ: ఏమో ! హిందువులలో నిట్టి స్వామిద్రోహు లుందురని తలఁపను. అదేమి ? ఛలోక్తియా లేక యాదిల్ శాహా తంత్రము సకలమునెఱింగెనా ఆదిల్ శాహా గుండియలలో 'గలక్కు' మనియె. అతఁడు నిర్ఘాంతపోయెను. కాని, యతని సాహసము, ధైర్యము
