ఈ పుట ఆమోదించబడ్డది
జాత్యహంకారమూ, కులగర్వమూ (Class Pride), ధర్మ, అసహనము (Religious, intolerance) స్త్రీ జాతి బానిసత్వమూ, అనులోమమూ (Hypergamy) కారణంగా ఏర్పడ్డ కూటస్థ వివాహ లక్షణం రూపుమాసిపోవటమంటే ఇక ప్రపంచంలోని ఏ జాతిలోనూ 'రాజుకూ రడ్డికీ' భేదముండదన్నమాట. ప్రభుజాతి, బానిస జాతి అనే విభేదం లేదన్నమాట. సాంఘిక జీవనంలో అత్యంతమైన మార్పు కలుగుతుంది. ప్రాచీన సాంఘిక దౌర్జన్యాలకూ, దురంతాలకూ ఇక తావుండదు. వ్యక్తిగత స్వాతంత్య్రానికి ఏ లక్షణమూ వేరు పురుగుగా పరిణమించలేదు. మానవ జాతుల మధ్య వ్యక్తుల మధ్య సహనభావం విశేషంగా అభివృద్ధి పొంది, ప్రపంచంలోని మానవ జాతులన్నీ కలిసిపోయి ఏకైక కుటుంబంగా కాకపోయినా విశేష సహనభావంతో వర్తించటానికి అవకాశం కలుగుతుంది. అటువంటి పరిణామానికి వైవాహిక విధానంలోని కూట బాహ్యత (Exogamy) రాచబాట వేస్తుంది.
(ఆంధ్రపత్రిక 1948 సెప్టెంబర్ 8)
సంస్కృతి
229
