మత్తిలుదము భ్రమరీ
జుం... జుం
భ్రమరి
మనసు కలిపి అరుగుదమా?
మధు సేవకు తరలుదమా?
షట్పదము
అనుమానమ్మేలా
ఆలస్యమ్మేలా ఇక?
భ్రమరి
సౌగంధిక హాసములో
తరగలమై వరలుదమా!
సరసిజ గర్జమ్ములతో
సఖ్యగీతి పాడుదమా!
షట్పదము
పదవే ప్రియ పదవే
పదవే ప్రియ పదవే
ఆగుదునే ఆడుదుమా
తడబడెదవు బడలెదవే... పదవే పద పదవే
స్వరమేళ
కలుష కానన వాదమున క్లే
శాత జీవన భరముతో పవ
మాన సూనుడు నవసిపోవగ
మారుత ప్రభువూ -
కౌంతీద్వితీయుని భీమసేనుని
గంధమాధన కాననాంతర
సీమలకు కొని వచ్చి చేర్చెను
స్వాగతమ్మొసగీ -
మన్మథుడు
నిదుర మేల్కొమ్మో అశోకమా!
అదుగో ఆ దంపతుల కనుమా!
అంత తెరచాటైన మూకత
పలుక నేర రవంత!
కుసుమ దన్వీ ప్రసవమానీ
అసమశక్తికి సమయ మియ్యంది:
ఎటుల మెలగెదవోసుమా - ఓ
ప్రసవరాజమ్మా!
భీముడు^
ప్రసవ చషకములయిన
కుసుమాసవము ప్రియుమే
అందించు షట్పదమా
హ్లాదమే హ్లాదమ్ము - ప్రియురాలా
ద్రౌపది
ఆకరేణువు కోర్కె
నామ్రితరుమూలనము
హస్తాగ్రము సాబు
అతని బ్రతుకే బ్రతుకు -ప్రియుడా!
భీముడు
విరహ బాధా భయమె
విపిన తరులతిక లవె
గాఢ విశేషాన
కామదేవుని యాన -ప్రియురాలా
640
వావిలాల సోమయాజులు సాహిత్యం-2
