ఈ పుట ఆమోదించబడ్డది
పులోమ
కుక్షిచ్యుతుండవై రాక్షసుని సమయించి
వరహాలనాబిడ్డ వచ్చితివ నా తండ్రి!
(అని ఎత్తుకొని ముద్దాడి)
అభిషేచనార్థమ్ము అరిగియుండిన నాన్న
ఆశ్రమ ప్రాంతమున కరుగొ వస్తున్నారు.
(బిడ్డ నెత్తుకొని ఆశ్రమానికి పోయింది.)
5
(ఆశ్రమోపాంతము - భృగుడు, పులోమ)
భృగుడు
(కంటి కన్నీటి కాల్వను చూచి)
ఈ ప్రవాహమ్మిచటి కెటనుండి వచ్చినది?
బాలార్కుబోలిన ఈ బాలు డెవడే తన్వి?
పులోమ
కాలకోవిదులు మీ కేల నే వచియింప?
దోషజ్ఞ! నన్నిపుడు త్రోసివేయకుడయ్య.
భృగుడు
(నిమీలిత లోచనుడై సర్వం గ్రహించి, చూళుక అగ్నిని చూచి)
సర్వభక్షకుడవై జగతి చరియింపు మిక
అగ్ని
(ప్రత్యక్షమై)
తా నెరింగినయర్థ మే నెరుగనని చెప్ప
పాపపంకమునందు పడుట నిక్కంబౌట
అపసత్య దోషంబు అనుభూత మౌనంచు
గేయ నాటికలు
635
