ఈ పుట ఆమోదించబడ్డది
జాత శిశువు
ఇపుడె ఈ లోకమున నెత్తినాడను జన్మ
నిన్ను రణమున జంప నిలచియున్నా నిదే.
పులోముడు
తడవేల యట్లైన తాకి చంపెదగాక!
జాత శిశువు
తేలు నిపుడే నీదు తేజంబు శౌర్యంబు
పులోముడు
అడుగు ముందుకు రమ్ము అడుగు ముందుకు వత్తు
అపుడు పోరాడితే అంద మగుపించురా.
జాత శిశువు
ఇదుగొ వేసితి నడుగు ఏమి చేయుదువురా?
పులోముడు
అడుగు ముందుకు వేయ నాదిత్య తేజుడై
దహియించుచున్నాడు దానవునె నన్నిట్లు
జాత శిశువు
ఒక అడుగు నే వేయనొక యడుగు వెనుకకే
వేయుచున్నావేల వెలితిపడి దానవా!
పులోముడు
(మాటాడడు)
జాత శిశువు
విడువగా దగదు నిన్ విగతజీవుడవైన
ఇదుగొ వచ్చానురా ఇంక నడుగులు నాల్గు
గేయ నాటికలు
633
