ఈ పుట ఆమోదించబడ్డది
అజాత శిశువు
కనుల ముందరయున్న గర్భగోళమునుండి.
పులోముడు
ఆకాశవాణియా!
అజాత శిశువు
ఆమె కాదుర నేను.
పులోముడు
(పులోమ గర్భంవైపు చూచి)
ఇందుండి ఎవడైన నిటు పలుకుచున్నాడ!
అజాత శిశువు
కొంచెమాగుర గర్భకుహరంబు వెలివడెద
పులోముడు
వింతగా నున్న దిది వేగిరమ ఇటనుండి
చేరుకొనియెదగాక జీవితేశ్వరితోడ
సర్వభద్రంబైన సదనమ్మునకు వేగ.
(త్వరగా భయంతో పరుగెత్తుతాడు. పులోమకు గర్భచ్యుతమై శిశోదయం అవుతుంది. పులోమ మైకంలో ఉంటుంది - శిశువు మృతి జెందాడని. క్రిందపడ్డ శిశువు లేచిపోతూ వున్న పులోముడితో)
జాత శిశువు
చాలురా నిలు రాక్షసాధమ సాధనము
నీ చేతకా దెటుల నిలిచి పోరాడేవు?
పులోముడు
(వెనుదిరిగి చూచి)
ఎవ్వడవురా నీవు ఎటనుండి ఒచ్చావు?
632
వావిలాల సోమయాజులు సాహిత్యం-2
