ఈ పుట ఆమోదించబడ్డది
పులోముడు
ఏను వలచిన కన్య నీముని ప్రవరుండు
పరిణయంబాడి తా పడయు సుఖముల నిపుడు
కాంత నెత్తుకొ పోయి కామించి పరిణయము
చేసుకొని సుఖముగా జీవింతు నిపుడైన.
(తిరిగి వచ్చి కొంతసేపు వేదిమీద కూర్చుంటాడు)
3
పులోముడు
(లోపలికి పోయి కుశాస్తరణం మీద గర్భభారంతో బాధ పడుతూ
ఉన్న పులోమను చూచి)
గర్భభారము దాల్చి కడు బాధ పడుచున్న
కరణి నున్నది కాంత కాన నేవిధిని నే
నీమె నిటనుం డిపుడు ఎత్తుకొనిపోగలను
భ్రూణహత్యాదోషమునకు పాలౌదునో!
తడవు చేసితినేని తపసి విచ్చేయునో!
విచ్చేసి శాపమే ఇచ్చునో క్రోధాన!
(పులోమను చేతులలోకి తీసుకుంటాడు.)
పులోమ
(బాధలో కళ్ళు మూసుకున్నామె కళ్ళు తెరచి)
అతిథివై విచ్చేసి అపమార్గమును త్రొక్కి
ఆచరింపగనౌనె అనుచితం బీసరణి.
పులోముడు
(మందస్మితము చేసి)
కాంత నీపై ప్రేమ నింతగా తలపెడితి
నన్ను చేపట్టితే నెన్నో సుఖాలబ్బు.
గేయ నాటికలు
629
